|
Чăваш Республикин Вĕренÿ институчĕ Чăваш чĕлхипе литература кафедри Нурлат çыравçисемĔçе пурнăçлаканĕ: Терентьева Галина Владимировна Тутар Республикинчи Нурлат районĕнчи Якуркелĕнчи пĕтĕмĕшле пĕлÿ паракан вăтам шкул вĕрентекенĕ Консультант: Иванова Надежда Григорьевна, Чăваш Республикин вĕренÿ институчĕн доценчĕ Нурлат çыравçисем ( 9 –мĕш класра суйласа вĕренмелли курс программи) Г.В. Терентьева, Якуркелĕнчи вăтам шкулта чăваш чĕлхипе литературине вĕрентекен Ăнлантару çырăвĕ Пирĕн тăрăхра пурăнакан халăхăн чаплă та мухтавлă ывăлĕ-хĕрĕ сахал мар. Вĕсенчен чылайăшĕ чăваш ятне чăннипех тĕнче шайне çĕкленĕ.Ÿссе пыракан ăрăва хăйĕн халăхĕн паллă çыннисемпе паллаштарасси, ачасен мăнаçлăх туйăмне çĕклесси, тавра курăмне аталантарасси пысăк пĕлтерĕшлĕ. Вĕрентекен хальхи вăхăтра, ячасен ăс-тăн аталанăвĕн шайĕ ÿссе пынă тапхăрта, çĕнĕрен те çĕнĕ мелсемпе формăсем шырать. Паянхи пурнăç ыйтăвне тивĕçтерес тесе суйлавлă курс программи çыртăм. Элективлă курс ирттернĕ чух вĕрентекен хăйĕн ĕçĕ çине творчествăллă пăхни, çĕнĕлĕх патне ăнтăлни пысăк пĕлтерĕшлĕ. Çак программа ачасене хатĕр пĕлÿ кăна памасть, хăйсене те шырав çулĕпе утма хăнăхтарать. Курс тĕллевĕсем:• Тăван çĕршыва юратма вĕрентесси, чăваш халăхĕн мухтавлă ывăлĕ-хĕрĕпе мăнаçланма хăнăхтарасси; • Паллă çынсен пурнăçĕпе, ĕçĕ-хĕлĕпе паллаштарасси; • Тăван халăх историйĕпе, йăли-йĕркипе кăсăкланма хавхалантарасси. Курс задачисем:• Тутар Республикин Нурлат районĕнче çуралса ÿснĕ çыравçăсен списокне пухса системăласси; • Нурлат çыравçисем çинчен литература шыраса тупса тишкересси; • Çыравçăсен пурнăçĕпе, ĕçĕ-хĕлĕпе паллашса ачасене вĕсем çинчен ачасене пĕлтаресси; вĕренекенсен тавра курăмне анлăлатасси. Вĕрентÿ формисем:- лекцисем итлесси, конспектласси; - лекцисен планне тăвасси; - тематикăлла калаçусем ирттересси; - интереслĕ тĕл пулусем йĕркелесси; - презентаци хÿтĕлесси. Вĕрентÿ технологийĕ:- шырав технологийĕ; - модульлĕ технологи; - инновациллĕ технологи; - вăйă технологийĕ; - компьютер технологийĕ; - интерактивлă технологи. Тĕрĕслев формисем:- тест ирттересси; - викторина; - сăвă калакансен, чи лайăх ĕçсен конкурсĕсене йĕркелесе; - тĕпчев ĕçĕсем (доклад, пĕлтерÿ) патне тунă презентацисен пахалăхне хакласа çĕнтерÿçĕсене палăртасси. Ĕç мелĕсем:- ушкăнпа; - мăшăрпа; - уйрăмшарăн; - пурте пĕрле ПРОГРАММА СОДЕРЖАНИЙĔ2-мĕш тема. Валентин Бурайкин – журналист, сăвăç, прозаик, публицист. 3-мĕш тема. Валентин Ефремов – зоотехник, публицист. 4-мĕш тема. Елизавета Илюшкина – журналист, публицист, корреспондент, халăх сăмахлăхне пухакан, Пичет отличникĕ. 5-мĕш тема. Иван Майков – журналист, публицист. 6-мĕш тема. Иван Павлов – журналист, сăвăç, прозаик. 7-мĕш тема. Федор Савгачев – журналист, публицист, прозаик, Тутар Республикин культурăн тава тивĕçлĕ ĕçченĕ. 8-мĕш тема. Ирина Сафандеева – вĕрентекен, сăвăç, юрăç. 9-мĕш тема. Геннадий Ендиряков – вĕрентекен, сăвăç. 10-мĕш тема. Маргарита Литта – журналист-корреспондент, публицист. 11-мĕш тема. Пĕтĕмлетÿ. Пăхса тухнă темăсене тĕпе хурса викторина ирттересси. Вĕренекенсен ĕçĕсем (доклад, пĕлтерÿ) патне тунă презентацисен пахалăхне хакласси. КАЛЕНДАРЬПЕ ТЕМАТИКА ПЛАНĔ
|